الخميس، 9 أكتوبر، 2014

الاثنين، 14 أكتوبر، 2013

البدء في تلقي طلبات شراء كتاب آيسامري

سيتم البدء في تلقي طلبات شراء كتاب آيسامري النسخة الجديدة في 11 نوفمبر المقبل وذلك قبل الانتهاء من اصدار الكتاب. لمتابعة أخبار الكتاب يرجى متابعة الصفحة الخاصة بكتب آيسامري

 http://www.facebook.com/pages/ISummary-Family-Medicine/116736195060958



الأحد، 6 أكتوبر، 2013

مميزات وعيوب طب الاسره من ارض الواقع (مصر-2013)



العيوب والمميزات العامه
·         تخصص طب الاسره حلو قوي للبنات وشغله مريح ونبطشيات قليله او مفيش اصلا
·         ال  Risk اللي فيه قليل مقارنة بالتخصصات التانية
·         لو معرفتش تشخص اي حاله بتحولها للاخصائي
·         بتعرف كل حاجه في الطب ودي في حد ذاتها ميزه وعيب
·         من احد العيوب طبعا النظره الدونيه والنظره "الحسوديه" من التخصصات التانيه لطب الاسره: دونيه انه بيستحقروا التخصص وبيستقلوا بطبيب الاسره ودايما شايفنه انه مأنتخ ومش بيشتغل، اما النظره الحسوديه انهم بيحسدوك على الفلوس اللي بتاخدها مقارنة بالمجهود اللي بتعمله ودي هتحس بيها اكتر لو سافرتوا الخليج
·         ممكن اقول وبكل ثقه وعن تجربه ان طب الاسره غير مطبق في مصر بنسبه 80% وغير مطبق بالسعوديه والامارات بنسبة 50% ، وعلى حد علمي باقي الدول العربيه مش بتطبق نظام طب الاسره كاملا ، كمثال على كده ان مش بيجيلك Feed back  لما تبعت العيان للمستشفى ولا مصر ولا في السعوديه ولا في الامارات
مرحلة قبل التخصص
·         شغل نايب طب الاسره بالمراكز زي شغل دكتور التكليف بالظبط ومفيش فرق ما بينهم
·         الميزه في الزمالة التدريب في المستشفيات والمحاضرات بتاعتهم
·         أما اللي ناوي يكمل نيابة طب الاسره فيفكر كويس لأن الزمالة افضل بكتير من حيث التعليم والشهادة وفرص السفر
مرحلة ما بعد التخصص
·         اللي ناوي يكمل في مصر بعد ما اخد الزمالة او الماجستير لو اشتغل في الحكومه هيشتغل في مراكز طب الاسره زيه زي التكليف بالظبط و لو فكر يشتغل برايفت مش هيلاقي ولو فكر يفتح عيادة قانونا لازم يتكتب عليها اخصائي طب اسره ولا يجوز ان يكتب باطنه و اطفال و و و
·         اللي بياخد شهادة الزماله بياخد كمان العضويه في الكليه الملكيه للممارسين العاميين ببريطانيا MRCGP INT  والشهاده دي بتفتحلك سكه في الخليج واستراليا ونيوزيلندا
·         تخصص طب الاسره في الخليج واخد وضعه شويه عن مصر وتخصص معترف بيه وليه فرص في البرايفت
من الآخر كل واحد بيشوف التخصص ده من وجهة نظره هوه ولا بد من معرفة باقي الاراء لأنك ممكن تلاقي حد فشل في التخصص وبيكرهك فيه وممكن تلاقي حد ناجح في التخصص ده وبيأفور اوي ..use your mind