نظام التدريب لزمالة طب الأسرة بعد الاعتماد من الكلية الملكية للممارسين العامين Training program of the Egyptian board of Family medicine after the accreditation by RCGP

قبل قراءة الموضوع أريد أن أنبه أنه يوجد تعديل على مدة التدريب بالمستشفيات في الدفعات الحديثة، تعديل في الدورات الأساسية، تعديل في نظام التجميد، تعديل في الشهر الاختياري
لمعرفة هذه التعديلات الرجاء الرجوع لمقر الزمالة 

مبروك الاعتماد أصبح رسمي أضغط هنــــــــــــــــا

 

السلام عليكم ورحمة الله ، سأوضح بإذن الله نظام زمالة طب الأسرة في نقاط

- مدة الدراسة 3 سنوات بنظام الانتداب من مكان العمل الاصلي أو من النيابة ، بعد الثلاث سنوات تعود الى مكانك الاصلي كأخصائي طب أسرة
- التدريب يبدأ من شهر 9 من كل عام مع بدأ دخول الدفعات الجديدة ويكون نظام التدريب كالآتي :

السنة الأولى

أول 5 شهور : مركز طب أسرة ، الشغل 5 أيام بالأسبوع ( تحت اشراف مدرب المركز انه المفروض يشرف عليك وده غالبا مبيحصلش ) زي التكليف بالظبط وممكن تشتغل بنظام ملفات ، اليوم السادس اسمه يوم علمي بيجيلك أستاذ جامعة في طب المجتمع وبيشرحلك كل طب المجتمع على مدار ال 3 سنوات

4 شهور باطنة وأمراض الكبار - شهرين أمراض نفسية : التدريب في مستشفى غالبا تعليمي وتقوم الزمالة بالتعاقد مع دكاترة داخل هذه المستشفيات للتدريب الزمالة ، التدريب 5 أيام والسادس بالمركز يوم علمي ، غالبا الشغل بيبقى مرور وعيادات ومفيش نبطشيات استقبال أو قسم

وصلنا لشهر 8 وهو شهر اختياري في كل سنة من التلات سنوات بمعنى ممكن تقضيه في مركزك الاصلي أو تقضيه في المستشفى بتاعك في أي تخصص بشرط توافر المدرب

السنة الثانية

4 شهور أطفال في المستشفى بنفس النظام السابق
شهر جلدية بالمستشفى
شهرين بمركز طب الاسرة التابع له
4 شهور نساء وتوليد بالمستشفى
شهر 8 اختياري كما سبق

ملحوظة : امتحان الأول First في نصف شهر واحد أو في أول شهر 2 من هذه السنة

السنة الثالثة

شهرين جراحة بالمستشفى
شهر أنف وأذن وحنجرة بالمستشفى
شهر رمد بالمستشفى
3 شهور طوارئ و عظام بالمستشفى
4 شهور بمركز طب الاسرة
شهر 8 اختياري

وبعد ذلك امتحات ال Second
ثم امتحان ال Clinical اللي بتمتحنه وانت في مكانك الاصلي بعد الزمالة بحوالي شهرين

قواعد عامة

- لا يجوز النقل بين المحافظات الا بعد مرور سنة من استلام التدريب
- يجوز النقل بين المستشفيات والمراكز داخل نفس المحافظة
- الحصول على انذارين من الزمالة = الطرد زي ماتش الكورة بالظبط
- التنقل بين المركز والمستشفيات هي عملية بايخة ورزلة وبتاخد وقت


- يجب الحصول على شهادة Local TOEFL بدرجة لا تقل عن 500 وكذلك الحصول على امتحان Internet/PowerPoint/Word من مستشفى المنيرة أو شهادة ICDL  لدخول الامتحان الاول
- عند الالتحاق بالزمالة ستقوم الزمالة باعطاء 5 دورات اجبارية وهي كالاتي

مهارات الاتصال مع المرضي - الطب المبني على الدليل والبحث العلمي - أخلاقيات مهنة العمل - الجانب القانوني لممارسة المهنة  - مبادئ ادارة المنشأت الصحية - Immediate Life Support (ILS

 
وفي آخر كل دورة امتحان يجب النجاح فيه والا سيتحتم عليك اعادة الدورة بمالك الخاص .
- أتعاب الزمالة 300 جنيه بالسنة + 300 جني رسم كل امتحان = 1800 جنيه
- فرصة دخول الامتحان الاول 3 مرات أما الثاني والثالث فالله أعلم !!
- يمكن تاجيل دخول الامتحان ودخول الامتحان اللي بعده بس كده بضيع عليك فرصة من التلات فرص
- يمكن تجميد التدريب لمدة سنة/ 6 شهور/3شهور ، وبعد العودة بترجع من مكان موقفت بس كده بتتأخر عن زمايلك
- بعد قضاء فترة التدريب تشترط عليك الزمالة قضاء 3 سنين بوزارة الصحة والا لازم تدفع 15000 جنيه تعويض عن سنين التدريب ، ممكن يتقسطوا
- مستوى التدريب بالمستشفيات حسب المدرب وحسب المستشفى وعدد الحالات ، أما التدريب بالمراكز فهو سئ للغاية ولا فائدة منه زي شغل التكليف كده .
- بالنسبة لنا في مستشفى أحمد ماهر مستوى التدرب في الباطنة كان 9/10 لأن كان معانا دكتور ممتاز - في النفسية 7/10 لأن الحالات قليلة ومش متنوعة - الأطفال 7/10 لأن الحالات قليلة ومش متنوعة برضه ، عامة التدريب جيد
 
المنهج العلمي لطب الأسرة في هذا الكتاب Curriculum
 حمل من من هنا
 
  - بنذاكر منين ؟ عادة مفيش كتاب واحد يحتوي على كل المواضيع اللي مطلوبة في الكوريكلوم ولذلك لازم تذاكر من كتابين على الاقل بالاضافة الى مواقع طب الاسرة على الانترنت
- تقوم الزمالة بعقد محاضرات بالمعهد القومي للتدريب بمدينة نصر يومي السبت والأحد من أول كل شهر ، يقوم اساتذة من الجامعة بشرح عديد من الموضوعات وهي من مميزات الزمالة .
- نظام الاجازات زي نظام وزارة الصحة 30 يوم في السنة ، الحضور والانصراف والاذنات في المستشفيات حسب نظام كل مستشفى
- يوجد كتاب أنشطة Log Book وهو لتسجيل الحالات والمحاضرات ويقوم المدربين بالامضاء على كل حالة أو محاضرة ،
- يوجد بعض التعديلات الجديدة على نظام التدريب ستطبق بالتدريج على كل دفعة جديدة في خلال سنتين لا أفضل أن أوضحها لأنها صعبة و تتفهم في وقتها أحسن
 

نظام الامتحان

 
- نظام امتحان الفرست
100 سؤال MCQ موزعين كالآتي
Community Medicine & Introduction to Family Medicine 25%
Internal Medicine & Geriatric 25%
Pediatric 20%
Women Health 20%
Psychiatry 10%
 
بنظام Case scenario وكلها حالات اللي بنشوفها في مراكز طب الأسرة - الوقت 120 دقيقة
 
- نظام امتحان الثاني:    في نهاية الثلاث سنين Applied Knowledge Test (AKT
 mcq , ورقتين ، الورقة الأولى
Community Medicine 8%
Dermatology 2%
Emergency, orthopedics, trauma 10%
ENT 4%
Family life cycle 1%
Internal Medicine 30%
Male reproductive health 1%
Obstetrics and Gynecology 15%
Ophthalmology 3%
Pediatrics 14%
Psychiatry 7%
Surgery 5%
 
- الورقة الثانية   Interpretative MCQs
 20 سؤال كالآتي 
ECG 3Q ( Ischemia or infarction -  Chamber enlargement - Arrhythmia
X-rays 4Q ( Chest - Heart - Abdomen - Bone
Lab Reports 6Q ( Urine or stool - 2 chemistry - 1 CBC - 2 miscellaneous
Signs 6Q (Photos
 Growth curves and others 1Q
 
 
الامتحان النهائي : امتحان الكلينيكال  ( لا يوجد شفوي )
 
- يشبه امتحان المعادلة الامريكية USMLE CS  بمعنى انك بتخش على حالات حقيقية أو ممثلين ويطلب منك مهمات معينة مثل فحص القلب أو الصدر ويقوم بمراقبتك الممتحنين ويسجلون درجات على كل خطوات المقابلة من أول استقبال المريض حتى كيفية انهاء المقابلة ولا يكون التقييم فقط على المستوى العلمي ، عدد الحالات التي ستمر عليها حوالي 15 
 
ده معظم المعلومات التي يحتاجها الاطباء اللي هيفكروا يدخلوا الزمالة  ، لازم تفكروا كويس جدا الموضوع مش صعب ولكنه يحتاج الى مجهود وربنا يوفق الجميع

د/ مصطفى محمود

السنة الثالثة- دفعة زمالة 2008