الأحد، 21 نوفمبر 2010

مميزات وعيوب تخصص طب الأسرة في مصر


السلام عليكم ورحمة الله

هأقولكم على مميزات وعيوب التخصص من واقع تجربتي الشخصيه (أنا دلوقتي بتدرب في الزمالة سنة تالتة جديد في مستشفى أحمد ماهر)


المميزات أثناء التدريب في الزمالة
  • الزمالة بتدرب في مستشفيات كويسة زيأحمد ماهر والمطرية مع العلم أن في محافظات تانيه فيها مستشفيات عادية زي بولاق
  • الزمالة بتدي دورات في أول استلام الزمالة زي (EBM , Communication skills ) ودي دورات أكتر من ممتازة
  • مفيش نبطشيات بس في أماكن بتدي نبطشيات استقبال أو قسم حسب المستشفى أما التدريب في المركز فطبعا في نبطشيات
  • الزمالة بتدي محاضرات أول كل شهر واللي بيديها أساتذة الجامعة
المميزات أثناء الشغل ( عن خبرة دكاترة تانية )
  • تخصص مريح مفهوش أي نوع من الضغوط
  • فلوسه زي أي تخصص تاني (قصدي طبعا بره مصر)
  • لو غلبت في أي حالة هتحولها وتريح دماغك
  • تخصص لامم كل حاجة ودي حاجه حلوه انك تبقى فاهم في كل حاجة
  • طبيب الأسرة أحسن واحد بيتعامل مع المريض أحسن واحد يتواصل معاه فكده المرضى هيحبوك
  • طب الأسرة مطلوب في دول الخليج ولو انو الممارسين العاميين بيزاحمونا

العيوب أثناء التدريب
  • لو المدرب بتاعك في المركز أو المستشفى وحش بتبقى حاجه مش كويسه
  • نظام التدريب بالنسبة للنيابة وحش جدا بتشتغل زيك زي التكليف ، المفروض انهم حاطوا نظام بس لسه معنديش فكره
  • بتذاكر كل حاجه في الطب

العيوب العامة
  • هتفضل طول حياتك بتشتغل في مركز طب أسرة وطول حياتك ممارس عام
  • النظرة الدونية من الدكاترة التانيين
  • في مصرفرص الشغل تكاد تكون معدومة
  • عدم فهم الناس والدكاتره معنى طب الأسرة

هناك 4 تعليقات:

  1. السلام عليكم ورحمة الله
    اولا انا مش طبيبه لكن مهتمه بالبرنامج وكنت اريد معرفة المزيد وعثرت على ذلك الموقع

    شكرا يا دكتور على توضيح المميزات والعيوب من واقع الخبرة ولو بسيطة فهى طبعا مهمه ..

    ربنا يوفقكم لما فيه الخير
    لى ملحوظة لو سمحت كان الموضوع هيكون أفضل لو كتب باللغه العربيه

    ردحذف
  2. شكرا جزيلا بس أنا كتبه فعلا بالعربي :D

    ردحذف
  3. طيب لو سمحت دلوقتي بعد مرور سنتين .. يا تري فيه اي تطور في التخصص ده
    من حيث اماكن الشغل ع الاقل ..
    او فيه امل انه يتنقل المراكز مش يبقي بس في الريف ؟؟

    ردحذف
  4. معلومات قيمة وان شاء الله انا ناوية على التخصصدا
    شكرا لك

    ردحذف